Лицци бизге Остерде (орустарда Пасха, Батышта Easter, немистерде Oster), башкача айтканда, Иисус Христос кайра жаралган күнүндө ушул козусун "сойду". Абдан таттуу экен. Ал эми тамак бергенде кадимки эле байчечекей, бакчасындагы дагы башка жайнаган гүлдөрдү салат деп берди. Шырдак менен кийиздин билерманы көрсө австриялыктардын да салтын сактайт экен. Андан кийин "шпагетти бологнезе" болду (Болонь спагеттиси), ал эми суусундукка Төмөнкү Австриянын атактуу шарабы куюлду. Түркүн винону Лиццинин жүзүм өстүргөн фермер коңшуларынан алдык.
Сүрөттө: Лицци Майрл
Остерде жумуртка бойошот, сүрөттө "козунун" алдындагы көк түстүү жумуртканы Лицци атайын конокторго деп боеп коюптур. Жумуртка бойогон перси элинде да бар. Менин ирандык кесиптешимдин өспүрүм уулу Ноорузга карата жумуртка боеп жатканын көрүп катуу таң калгам. Кичинемде Бишкекте жаз келгенде эле чыт жоолук салынган орус кемпирлер "Иисус воскрес, воистину воскрес" деп боелгон жумуртка таркатышчу. Азыр ойлосом, бир да жолу ооз тийбептирмин, Иисус Христос деген ким болгонун деле билген эмесмин. Кийин билсем, христиандар Иисустун кайра жаралышын зороастрлардын байыркы майрамына (Ноорузга) тушташ белгилеп калышкан экен.
3 comments:
Jatkan kursagy jayluu bolgur baykush kozu...
:)
Jangyl eje, kantip daiardalat eken bul kozu? Bizde da jakynda bagylan kozular byshyp kalat degenim go :)
al kozunu jep korush kerek, anan baikap korolu, balkim kyzylcha berse, eti shekerdei tattuu bolot:)
Post a Comment